Viðskiptabann

Þeir eru góðir með sig blessaðir kanarnir. Nú er það nýjasta nýtt hjá ráðamönnum þar að þrýsta á Boeing að hætta að þjónusta flugvélarnar hjá " Icelandair Group vegna Kúbuferða íslenska fyrirtækisins " vegna þess að þeir vilja ekki að Boeing vélar séu notaðar til Kúpuflugs útaf viðskiptabanni sem bandaríkjamennirnir eru með á Kúpu. Þvílíkir hálfvitar að vera með viðskipta bann á Kúpu og vera á sama tíma einn stærsti útflytjandi á vöru til Kúbverja. Eiga Íslendingar þá að vera með innflutningsbann á amerískar vörur útaf viðskiptabanni þeirra við Kúbu en samt flytja út vörur til Bandaríkjanna ? Álíka vitlaust. Miðað við hvernig kaninn hagar sér að stunda hryðjuverk út um allan heim þá fyndist mér ekkert skrítið að þjóðfélagið snúist á móti þeim á næstu 10-20 árum.

Nánasavinafélag Íslands

Jæja þar kom að því að Pétur Blöndal skrifaði sig hjá kaupmönnum landsins með því að segja að hann vilji ekki að fólk komi með meiri verðmæti en þessar 46 þús krónur til landsins sem fólk má versla fyrir í útlöndum.  Ég mæli með því við fólk sem hyggst fara erlendis í innkaupaferðir að það fari bara í mestu lörfunum sem það á til útlanda og kaupi sér svo bara fín föt fyrir fullt af aurum, því valla skoðar tollurinn leppana sem fólkið kemur í til landsins og svo er hægt að hafa önnur föt í töskunum sem varaföt því að maður hlítur að meiga hafa með sér vara leppa út, valla merkja þeir allt sem í töskunum er ? Sem sagt lepparnir til útlanda og fínu fötin heim framhjá Pétri Blöndal og í leiðinni getum við losað okkur við ruslið úti, það minkar ruslið hér hjá okkur, og ég efast um að það hrykkti í bónus veldinu þó svo að fólk reyni að bjarga sér.

Norðurlandameistaramót fatlaðra í sundi

Það er alveg merkilegt hvað sjónvarpsstöðvar okkar hér hafa mikinn áhuga á íþróttum fatlaðra. Núna um helgina fór fram Norðurlandameistaramót fatlaðra í laugardalslaug, og eins og venjulega þá mætti sjónvarpið rétt fyrir lok mótsins, en sýndi þó lit og kom og tók myndir af mótinu annað en þessir háu herrar frá stöð 2. Þegar aðrar íþróttir eru eins og t.d. fótbolti íslenskur þá er hægt að sýna hann beint þó svo að þessir svokölluðu fótboltakappar okkar geti bara hreinlega EKKI NEITT í boltanum og tapa jafnvel fyrir liðum sem er valla hægt að segja að sé á landakortinu. Ég skora á sjónvarpið og stöð 2 að koma og sýna áhuga á íþróttum fatlaðra og sýna meira frá svona mótum því þetta eru mót sem ekki eru hér á hverju ári, og má jafnvel segja að þetta sé stórviðburður í íþróttalífi Íslands. Ég hef heyrt að það þíði ekki að senda sjónvarpið til að taka myndir af þessum mótum því það er svo lítill áhugi fyrir áhorfi í sjónvarpinu ? Ja ekki hef ég áhuga á fótbolta en ég myndi frekar vilja horfa á hetjur okkar í sundinu sem setja hvert metið á fætur öðru og t.d. voru sett allavega ein 8 íslandsmet á þessu móti, og þessir krakkar sem stunda sundið af miklum áhuga og mikilli elju eiga heiður skilið fyrir hversu duglegir þeir eru í sínum íþróttum, og þeir sem komu þessu móti hingað eiga líka heiður skilið fyrir vel unnin störf.